Қостанайда полицейлер арасында мемлекеттік тілді меңгеру деңгейі бойынша байқау өтуде (ФОТО)

«Осымен бесінші рет ұйымдастырылып отырған беделді бәсекеге өңірлер мен салалық құрылымнан 22 команда қатысуда.    Екі күндік жарыс бірнеше кезеңнен тұрады. Өзін-өзі таныстырған командалар, үй тапсырмасын орындап, өнерлерін көрсетуге міндетті. Қоғам тыныштығын күзеткен полицей болу аса үлкен жауапкершілік. Жұмыс барысы олардан кәсіби біліктілікті ғана емес, халықпен етене тіл табысуды, мемлекеттік тілді жетік білуді талап етеді. Сондықтан сайыста қазылар сақшылардың сөйлеу мәнеріне, шешендігіне, білімділігіне баса мен береді», - деп хабарлады ҚР ІІМ.

ҚР ІІМ Мемлекеттік тіл және ақпарат департаментінің директоры Нұрділда Ораз атап өткендей, « Байқаудық ең басты мақсаты - мемлекеттік тілге деген сүйіспеншілігімізді арттыру, ішкі істер органдары қызметкерлері арасында мемлекеттік тілді кеңінен насихаттау. Оған қоса осы Елбасының қойған нұсқауларын орындау болып табылады.

Сайыстың алғашқы күнінің қорытындысы бойынша жартылай финалға өтетіндердің есімі белгілі болады. Өздерін жақын қырынан көрсете білгендер алдағы уақытта «үздік» атануы үшін өзара бақ сынайды.