Атырау облысында жыл басынан бері 10 балабақша ашылды – әкім
17 Қазан, 2014 13:08
2014 жылдың 9 айында Атырау облысында «Балапан» бағдарламасы бойынша 1075 орындық 10 балабақша пайдалануға берілді. Бұл туралы ОКҚ брифингінде Атырау облысының әкімі Бақтықожа Ізмұхамбетов мәлімдеді.
2014 жылдың 9 айында Атырау облысында «Балапан» бағдарламасы бойынша 1075 орындық 10 балабақша падалануға берілді. 4-і Атырау қаласындағы 185 орындық балабақша, 4-і 850 орындық мемлекеттік балабақша, 40 орындық 2 шағын орталық Махамбет ауданында орналасқан», - деді әкім.
Оның айтуынша,1-6 жас аралығындағы балаларды мектепке дейінгі біліммен қамту 54 пайызды құрайды, 3-6 жас аралығында 78,9 пайызды құрайды.
Атырау облысында 2014 жылдың 1 тамызына сәйкес 435 мектепке дейінгі ұйым жұмыс істеуде, оның ішінде 143 балабақша, 22 жеке меншік, 298 шағын орталық, ол 28 мың адамды қамтып отыр.
Индира Кауметова
