Көкшетауда ЖҚЖК бағдарламасы аясында бос жұмыс орындар жәрмеңкесі өтті

17 Қазан, 2014 15:03

Азаматтарды жұмыспен қамтуға жәрдем көрсету мақсатында «Нұр Отан» партиясының Ақмола облысындағы филиалдарында «Жұмыспен қамту 2020 жол картасы» бағдарламасын жүзеге асыру сұрақтары бойынша» республикалық акциясы өткізілді, деп хабарлады партияның ресми сайты.

«Партияның аймақтық қабылдау бөлмесіне 28 адам келіп кетті, олардың ішінде 25-не бос қызметтер жайлы қанағаттанарлық мәліметтер ұсынылса, қалғандары ұсыныстарды ойластыруды жөн көрді. Осылайша, Көкшетау қаласының тұрғыны Айнагүл Үстемірова жарты жылдай келісті қызмет таба алмай жүр. Жұмыспен қамту орталықтарының өкілдері жас әйелді қаржы басқармасына мұрағатшы бос орнына орналасу үшін әңгімелесуге жіберді», - делінген хабарламада.

Жалпы келермендер ұйымдастырылған бірыңғай қабылдау күні жоғары деңгейде өткізілген, сондай-ақ акция барысында алынған сәйкес кеңестер мен насихаттық жұмыс толықтай қанағаттанарлық екенін айтты. Партияның қоғамдық қабылдау бөлмелеріне 140-тан астам адам өтініштерін білдірді.

Айта кетерік жайт, шара барысында Шортанды ауданында жергілікті жұмыспен қамту орталықтарының мамандары бағдарламаның үш бағыты бойынша сөз сөйлеп, жиналғандармен бірлесе бағдарламаға қатысудың ерекшеліктерін - кәсіптік оқыту, жұмысқа орналастыру мен шағын кредиттерді алу сұрақтарын талқылады.

Барлық жаңалықтар