• Басты
  • Қарағандыда діни сауаттылықтың өзекті мәселелері талқыланды

Қарағандыда діни сауаттылықтың өзекті мәселелері талқыланды

17 Қазан, 2014 14:03
Қала әкімдігінің қолдауымен Қарағанды қаласының жастармен жұмыс жөніндегі орталығы дәстүрлі дін конфессиялары, дін істері жөніндегі өкілетті органдар мен ғылыми қауымдастық өкілдерінің колледж оқушыларымен «Діни сауаттылықтың өзекті мәселелері» атты кездесуін өткізді, деп хабарлады қала әкімдігі.

"Қазақстан Республикасының 2020 жылға дейінгі «Қазақстан 2020: Болашаққа жол» мемлекеттік жастар саясаты тұжырымдамасында көрсетілген жастар арасындағы радикализмнің алдын алу және жастардың діни сауаттылығы мен мәдениетін арттыру мақсатындағы конференцияға   колледждің 100 оқушысы қатысты.Өз сөздерінде дәстүрлі конфессия өкілдері ұлттық дәстүр мен дін арасындағы өзара байланысты атап өтіп, отбасылық құндылықтарды дәріптеді", - делінген хабарламада. 

Сондай-ақ, кездесу спикерлерінің ұжымдық сөз сөйлеуі өтті.Іс-шара барысында сонымен қатар тақырыпқа сәйкес бейнероликтер көрсетіліп, колледж оқушылары арасында сауалнама жүргізілді. Осыған қоса, ақпараттық үнпарақтар таратылып, оқушылар спикерлерге өз көкейіндегі сұрақтарын қойып жауап алды.

Барлық жаңалықтар