Астанада 23-24 қазан күндері «Болашақтың энергиясы» халықаралық форумы өтеді

«Бұл Астанадағы ЭКСПО халықаралық мамандандырылған көрмесінің қарсаңында «Астана ЭКСПО-2017» Ұлттық компаниясының жыл сайын өткізетін басты тақырыптық іс-шараларының бірі болып табылады», - деп хабарлады Ұлттық компания.

Форум – «Болашақ энергиясы» көрмесінің тақырыбын ашатын бірегей шара бірнеше тақырыпшаға бөлінген: шығарылатын СО2 мөлшерін азайту, энергия тиімділігі жоғары өмір салты, жалпыға арналған энергия.

Іс-шара ЭКСПО-2017 көрмесінің тақырыбы мен тақырыпшаларына қатысты зерттеу жобаларының алаңына айналады деп жоспарлануда.

Форумға энергетика саласының 500-ден аса жетекші сарапшысы, ғалымдар, қоғамдық және үкіметтік емес ұйымдардың көшбасшылары, мемлекеттік сектор өкілдері қатысады.