• Басты
  • ҚР БҒМ өңірлерде мемлекеттік білім беру жинақтау жүйесінің таныстырылымын өткізуде

ҚР БҒМ өңірлерде мемлекеттік білім беру жинақтау жүйесінің таныстырылымын өткізуде

17 Қазан, 2014 10:38
2014 жылдың 13 қазан – 15 қараша аралығында ҚР Білім және ғылым министрлігіне қарасты «Қаржы орталығы» АҚ облыстық білім басқармаларының қолдауымен білім беру жинақтау депозитінің таныстырылымын өткізеді.

«Таныстырылым Шымкент, Тараз, Петропавл, Қостанай, Өскемен қалаларында өтеді», - делінген хабарламада.

Тұрғындарға ақпаратты барынша жеткізу мақсатында таныстырылымға жалпы білім беретін мектептердің ата-аналар комитеттері, білім беру ұйымдарының қызметкерлері мен МБЖЖ-ға қатысушы банктердің өкілдері шақырылды.   2014 жылғы 16 қазандағы жағдай бойынша МБЖЖ жүйесінде 8077 салым тіркелген.

«Қаржы орталығы» АҚ қызметкерлері және МБЖЖ-ға қатысушы банктердің өкілдері Мемлекеттік білім беру жинақтау жүйесі туралы азаматтардың барлық сұрақтарына жауап береді.

 Мемлекеттік білім беру жинақтау жүйесі 2013 жылдың маусым айында іске қосылып, екінші деңгейдегі банктер арқылы жұмыс істейді.Жаңа депозиттер жүйесі техникалық және кәсіптік, жоғары және оқу орыннан кейінгі білім алу үшін қаражат жинақтауға бағытталған.МБЖЖ депозиттерінің басты ерекшелігі – салымдарға банк сыйақысымен бірге мемлекет сыйлықақысы есептеледі. Мемлекет сыйлықақысының мөлшері – 5%, белгілі бір басымдылықты санаттағылар үшін – 7%. Мұндай санатқа халықтың әлеуметтік жағынан әлсіз тобындағы азаматтар жатқызылады, олар: жетім балалар, көп балалы отбасынан және аз қамсыздандырылған отбасылардан шыққан балалар, мүгедек балалар. Банк сыйақысының мөлшері – 8-10%. 

 

 

Барлық жаңалықтар