Жамбыл облысында агробиологиялық институт ашылды
Облыс әкімдігі хабарлағандай, жобаның бастаушысы Тараз инновациялық-гуманитарлық университеті жаңа ғимаратты өзінің жеке қаржысына соққан болатын. Жобаның жалпы құны 100 млн.теңге. Жаңа ғылыми-зерттеу институты жалпы ауданы 1800 м2 құрайтын 2 ғимараттан, 8 аудиториядан және 2 жылыжайдан тұрады.
Жобаның мақсаты - техникалық және аграрлық ғылымдар саласы бойынша аймақта ғылыми зерттеулерді дамыту және үйлестіру, студенттер мен магистранттарды ғылыми зерттеулерге тарту, жаңа инновациялық өндірістерді ашуға ықпал ету.
Нәтижесінде отандық жемістер мен көкөністердің селекциясы, тұқым шаруашылығының ғылыми зерттеулер нәтижелерін коммерциялизациялау, жабық топырақта жаңа технологиялар мен элитті тұқымдар шығарудың биотехнологоиялық жұмысының әдістемесін жетілдіру, өсімдіктердің қорғанысы мен карантин, тропикалық және субтропикалық өсімдіктерді өсіру күтілуде.
