• Главная
  • Ақмола облысының әкімі діни бірлестіктермен байланыс кеңесінің отырысын өткізді
16 октября, 2014 12:33

Ақмола облысының әкімі діни бірлестіктермен байланыс кеңесінің отырысын өткізді

Ақмола облысында өңір басшысы Сергей Кулагиннің төрағалығымен діни бірлестіктермен байланыс кеңесінің отырысы өтті, деп хабарлайды облыс әкімдігі.
Ақмола облысының  әкімі діни бірлестіктермен  байланыс кеңесінің отырысын өткізді

Хабарламада айтылғандай, кеңесте облыстағы діни ахуал мен «Діни қызмет пен діни бірлестіктер туралы» ҚР Заңының нормаларын сақтау шараларын өткізу аясында құқық қорғау органдарының жұмысы мен облыстық ішкі саясат басқармасы жанынан құрылған «Конфессияаралық байланыстарды сараптау мен дамыту орталығы» жұмысының  мәселелері қаралды.

Өңір басшысының айтуынша, ішкі саясат жұмыстары бағыттарының ішінде өңірдегі діни ахуалды реттеу ең өзекті мәселе болып отыр. Сол себепті бірлесе атқарылған жұмыстар дінаралық байланыстардың тұрақтылығын қамтамасыз етпек.

«Өздеріңізге де белгілі, 17 қазанда Қазақстанда «Рухани келісім күні» аталып өтеді. Мереке қарсаңында облыс әкімі Сергей Кулагин кеңес қатысушыларын  құттықтап, өңірдегі дінаралық және ұлтаралық ынтымақтастыққа үлес қосқан діни бірлестік өкілдері мен журналистерге алғыс хаттар табыстады», - делінген хабарламада.