Г. Бәйбішева: Салт-дәстүр мен мәдениет - ұлттың генетикалық коды

«Мемлекет басшысы Ұлытау баурайындағы сұхбатында ұлттық мәдениетіміз бен салт-дәстүрімізді қастерлеуіміз керек деп баса айтқан болатын. Сондықтан да «Қазақстан-2050» Стартегиясында ол   басымдылық берілген салалардың бірі ретінде көрсетілген және оны өркендету үшін мемлекет қыруар қаржы бөлуде. Бұл ретте біздің ауыл  жарқын мысал бола алады. 2010 жылы бізде әдемі ауыл клубы бой көтерді. Тіпті, соңғы жылдары ауылымызда жаңа балабақша мен мектеп те пайдалануға берілді», - деп ағынан жарылды Г. Бәйбішева.

Меңгерушінің айтуынша, ол Қ.Жұбанов атындағы  Ақтөбе аймақтық мемлекеттік университетінің музыка факультетін тәмәмдаған соң туған ауылына қайтып келеді. Ол кездегі елді мекендегі мәдениет үйі ескі болатын. Алайда осыған қарамастан онда домбыра үйірмесі, «Гүлдер» би ансамблі құрылды. Ал, Гүлбаршынның музыкант жолдасы вокалды топ құрды.

«Клубтың тынысы кеңейе түсті, ауылдың талантты жастары, тіпті үлкендері де оның жұмысына белсенді атсалысты. Жолдасым екеуміз балаларымызбен бірге өзіміздің жеке ансамблімізді құрдық. Мен домбыра мен баянда, жолдасым синтезаторда ойнайды, қызымыз өлең айтса, баламыз гитарда ән шырқайды», - деп толқтырды Г. Бәйбішева.

Осыдан екі жыл бұрын Гүлбаршынның отбасы аймақтық «Отаным  Отбасым» байқауына қатысып бірінші орынды жеңіп алды. Жалпы, Қопа ауылында көптеген байқауларға қатысқан және ұлттық салт-дәстүрімізді, мәдиниетімізді жоғары деңгейде көрсете білген отбасылар аз емес.