• Басты
  • Астанадағы семинарда кәсіптік-техникалық білімді жаңғырту мәселесі талқыланады

Астанадағы семинарда кәсіптік-техникалық білімді жаңғырту мәселесі талқыланады

15 Қазан, 2014 12:46
Бүгін Астанада Дүниежүзілік банк қарызы есебінен жүзеге асып жатқан «Кәсіптік-техникалық білімді жаңғырту» жобасы аясында семинар өз жұмысын бастады.

ҚР Білім және ғылым министрлігі хабарлағандай, шарадаа БҒМ  өкілдері, сарапшылар, аймақтардағы кәсіптік-техникалық оқу орындары, білім басқармалары өкілдері мүдделі тараптардың кәсіптік-техникалық білім беруді жан басына нормативті қаржыландыру қағидалары мен әдістемелері мәселелерін талқылауда.

Олардың қатарында ҚР БҒМ кәсіптік-техникалық білім департаментінің директоры С. Мадеев, Дүниежүзілік банктің «Кәсіптік-техникалық білімді жаңғырту» жобасының жетекшісі Динь Йонг Хоу, жоба жетекшісі Энрике Ромити бар.

Семинар барысында сараптама тобының жетекшісі осы жоба аясында атқарылған жұмыстар туралы есеп берді. Сондай-ақ, жан басына қаржыландыру әдістемелерін жасау барасында концептуалды тәсілдерді ұсынды.

 Аймақтардан келген өкілдер биылғы жылдың маусым айында өткізілген біліктілікті арттыру курсы кезінде алынған ақпаратпен және тәжірибесімен бөлісті. Әдістеме авторлары жан басына қаржыландыру есебі бойынша практикалық дәрістер өткізді.   

Барлық жаңалықтар