• Басты
  • Семейде «Абай оқулары» республикалық байқауы басталды

Семейде «Абай оқулары» республикалық байқауы басталды

15 Қазан, 2014 19:48
Шығыс Қазақстан облысының Семей қаласында жастар арасындағы «Абай оқулары» республикалық байқауы басталып жатыр, деп хабарлады мәдениет және спорт министрлігі.

«Қазақ мәдениеті, тілі мен әдебиетіне деген қызығушылықты Абай шығармашылығы арқылы арттыруды міндет еткен шараға Қазақстан этностарының өкілдері қатысады.Республикалық оқуларды өткізудің негізгі мақсаттарына мемлекеттік тіл сөздік қорының байлығы мен әдеби құндылығын насихаттау және тарату, сондай-ақ қазақ поэзиясы мен әдебиетінің ең көрнекті өкілі, тарихи тұлға мен теңгерсіз ойшылы Абай Құнанбаев есімін еске алу мен құрмет білдіру болып табылады», - делінген хабарламада.

Байқауға қатысу үшін еліміздің 14 облысы мен республикалық маңызы бар 2 қаладан келген мемлекетте тұрып жатқан түрлі этностардың өкілдері жиналды. Олардың көркемсөз оқу шеберліктері Абай шығармаларын жатқа мәнерлеп оқу, «Абай жолы» романынан үзіндіні көркем шеберлікпен жатқа орындау және Абайдың әнін орындау бағыттары бойынша бағаланатын болады.

Сондай-ақ, көрермендер назарына жергілікті театр өнерпаздарының орындауындағы Абай Құнанбайұлының өмірі мен шығармашылығынан театрландырылған көрініс ұсынылады. Байқау қатысушыларының өнерін көрнекті абайтанушы ғалымдар мен қоғам қайраткерлерінен құралған қазылар алқасы бағалайтын болады.

Барлық жаңалықтар