• Басты
  • Парижде Астана күндері өтеді
15 Қазан, 2014 10:37

Парижде Астана күндері өтеді

Франция астанасы Парижде 31 қазан - 3 қараша аралығында Астана қаласының күндері өтеді. Тарихта Халықаралық көрмені алғашқылардың бірі болып өткізген мемлекет ретінде Франция Қазақстанда ЭКСПО-2017 көрмесін өткізу мен ұйымдастыру бойынша өзінің тәжірибесімен бөліспек, деп елордалық әкімдіктен хабарлады.
Парижде Астана  күндері өтеді

Елордалық мамандардан құралған делегация жұмыс сапары барысында француз әріптестерінің тәжірибесін зерделейтін болады. 

Бүгінде қос мемлекеттің арасында фармацевтика, туризм, ауыл шаруашылығы салаларында ынтымақтастық орнатудың жаңа мүмкіндіктері туып отыр. Көптеген француз компаниялары ЭКСПО-2017 халықаралық көрмесін дайындау және ұйымдастыру жұмыстарына белсенді қатысуда.

«Франция мамандары экологиялық таза көлік, энергия жүйесін ұйымдастыру, құрылыс және қалалық экожүйе салаларында, соның ішінде сумен қамту, қалдықтарды басқару, қоршаған ортаны қалпына келтіру бойынша техникалық шешімдер ұсынуда және көрмеге дайындық жұмыстарына атсалысуда», - деп әкімдіктен хабарлады. 

Атап өткендей, осыдан екі жыл бұрын Астана ЭКСПО-2017 халықаралық мамандандырылған көрмесін өткізу құқығын жеңіп алған болатын. Содан бері ASTAINABLE сынды жобалар ұсынылып, соның аясында ЭКСПО-2017 көрмесі қарсаңында Астананы қысқа мерзімді перспективада және 2030 жылға дейінгі ұзақ мерзімді дамыту жоспары әзірленуде. Оған Қазақстан мен Франция мамандары тартылған. Биыл елордада тараптар түрлі салалардағы қызметтерді дамытудың проблемалық мәселелерін талқылады.

Сондай-ақ, осы бірегей жоба шеңберінде Париждің «Пале Рояль» алаңында - қазақ этноауылы жобасы ұсынылады. Онда қазақ халқының көшпенді мәдениеті мен тыныс тіршілігі көрініс тапқан. Мұнда кез келген қонақ өткен жүзжылдықтағы көшпенділердің тұрмысымен жақыннан таныса алады.

Естеріңізге сала кетейік,  Франция 120 жылдан астам уақыт бұрын халықаралық көрмені екінші болып өткізген. 1928 жылы Парижде көрме қызметін реттеу үшін Халықаралық көрмелер бюросы (ХКБ) құрылған. Көрме Франция астанасында бірнеше рет өткізілді. Қала бірегей құрылыс зертханасына айналып, техникалық ой ұшқырлығы мен көлемі жағынан қалыптасқан әлемдік практикадан көп жылға оза ілгерілеген ғимараттар мен құрылыстар салынды. Оған мысал ретінде 300-метрлік Эйфель  мұнарасын алуға болады.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды