• Главная
  • Елордалық мейрамхана алғаш рет Мәскеуде өткен орыс асханасы бойынша аспаздық байқауда жеңіске жетті (ФОТО)
14 октября, 2014 19:28

Елордалық мейрамхана алғаш рет Мәскеуде өткен орыс асханасы бойынша аспаздық байқауда жеңіске жетті (ФОТО)

Алғаш рет ресейлік «алтынды» Астананың мейрамханасы жеңіп алды. Жалпы, «Русский Пир» немесе аспаздар арасында Халықаралық Кремль аспаздық кубогі атымен кеңінен танылған дода 17 жылдан астам уақыт Мәскеуде үздіксіз өткізіліп келеді.
Елордалық мейрамхана алғаш рет Мәскеуде өткен орыс асханасы бойынша аспаздық байқауда жеңіске жетті (ФОТО)

Биылғы байқауға 28 мейрамхана қатысып, оның ішінен әділқазы алқасы  үздік ондықты таңдап алды және арнайы Мәскеуге шақырды. Олар Ресейдің 8, Қазақстан мен Түркиядан 2 мейрамханасы.

«Байқауға қатысу бойынша шешім күтпеген жағдайда қабылданды. Алайда,  мен көп ойланған жоқпын, керісінше жеңіске жетуге асықтым», - деп атап өтті байқаудың басы қасында жүрген Денис Давыдов.

Ал, өз кезегінде мейрамхана директоры атап өткендей, ұжымның ауызбіршілігі, өздеріне деген сенімі мен рухы сайыста жеңіске жетуге септігін тигізді.

«Өз өзіңе сенімді болған жөн. Біз Ресейдің астанасы Мәскеуге орыс асханасының үздік мейрамханасы атағына таласуға бардық. Бізге психологиялық тұрғыда қиын болды, алайда біз өзімізді өзіміз жеңе білдік. Бұған дейін бұл байқауда мейрамханалардың бас аспаздары ғана бақ сынады. Тек осы жылдан бастап бүтін бір ұжымның арасында өткізіле бастады. Іріктеу кезеңінде біз өзіміздің ұжымымызды таныстыратын, ондағы атмосфераны барынша ашық көрсететін бейнеролик түсіруіміз керек болатын. Осы ретте біздің бейнеролигіміз үздік деп танылды», - деп ағынан жарылды мейрамхана директоры Владимир Дизендорф.

Айта кетерлік жайт, әділқазы алқасына 15 сарапшы кірді. Олардың қатарынды А. Филин, Е. Шрамко сынды аспаздық өнердің майын ішкен аспазшылар болды.

Сондай-ақ, кубоктан басқа елордалық құрама Лондонға  бару сапарын жеңіп алды. Олар сол елдегі орыс асханасы бар барлық мейрамханаларды тамашалуға мүмкіндік алады.

Индира Қауметова

Суретті түсірген Азамат Әлиев