• Басты
  • ШҚО-ның Бесқарағай ауданы «Дипломмен ауылға» бағдарламасы бойынша 100 пайыз маманмен қамтылды

ШҚО-ның Бесқарағай ауданы «Дипломмен ауылға» бағдарламасы бойынша 100 пайыз маманмен қамтылды

14 Қазан, 2014 18:24
ШҚО Бесқарағай ауданының жалпы білім беретін мектептері мен денсаулық сақтау нысандары мамандармен 100 пайыз қамтылды, деп хабарлайды аудан әкімі Нұралы Сыдықов.

2014 жылы Бесқарағай ауданына «Дипломмен ауылға» бағдарламасы бойынша 30 жас маман келді. Солардың арасында 13-і медицина мамандары, 17-сі оқытушылар. Келген жас мамандарға әлеуметтік қолдау шараларын көрсету үшін аудандық бюджеттен 21 млн теңге қарастырылған. Соның ішінде 13 маманға бір жолғы  көтерме ақы беру үшін 1,6 млн теңге, тағы 7 маманға үй алу үшін 19,4 млн теңге бюджеттік несие беруге бағытталған, деп хабарлайды ШҚО ақпараттық орталығы.  

«Ауданда маман тапшылығы мүлде жоқ. Биыл білім беру мен денсаулық сақтау саласындағы барлық бос орындар толтырылды. Жас мамандар үшін барлық жағдай жасалынған: бір жолғы  көтерме ақы мен үй алуға несие қарастырылған», - дейді әкім.

Хабарламада айтылғандай, қазіргі таңда ауданда 22 мектеп бар. Олардағы оқушы саны 2915. Ауданның медициналық қызметтерін аудандық орталық аурухана, 7 дәрігерлік амбулатория, 3 фельдшерлік акушерлік пен 15 медициналық пункт атқаруда. Ауданда 42 дәрігер мен 121 орта деңгейлі медицина қызметкері бар.

Сонымен қатар, ауданда «Жұмыспен қамту» мемлекеттік бағдарламасы жемісті жүзеге асырылуда. 2014 жылы бағдарламаның 64 қатысушысы 150 млн теңге көлеміндегі қаржыландыруға қол жеткізді. Соның арқасында 106 жаңа жұмыс орны құрылды.

Айта кетейік, Келген жас мамандарға әлеуметтік қолдау шараларын көрсету үшін аудандық бюджеттен 21 млн теңге қарастырылған. Соның арқасында 106 жаңа жұмыс орны құрылды.

Барлық жаңалықтар