• Басты
  • 2014 жылы Қазақстанда шетелдік жұмыс күшін тарту квотасы 45 мыңға азайды

2014 жылы Қазақстанда шетелдік жұмыс күшін тарту квотасы 45 мыңға азайды

14 Қазан, 2014 16:51
2014 жылы Қазақстанда шетелдік жұмыс күшін тарту квотасы 45 мыңға азайып, 108 мыңды құрады, деп мәлімдеді бүгін «Нұр Отан» партия фракциясы жанындағы әлеуметтік кеңес пен ҚР Парламенті Мәжілісінің әлеуметтік-мәдени даму комитетінің бірлескен отырысында кеңес төрайымы Айткүл Самақова.

«Шетелдік жұмыс күшін тартуға бекітілген квота ішкі еңбек нарығын сақтаудың құралы болып табылады. 2014 жылы республиканың экономикалық белсенді бөлігінің 0,7 пайызы деңгейінде бекітіліп, 2013 жылмен салыстырғанда 45 мыңға азайып, 108 мыңды құрады», - дейді ол.

Оның айтуынша, 2014 жылдың 1 шілдесіндегі мәлімет бойынша жергілікті атқарушы органдардың рұқсатымен ел аумағында 26 мың шетелдік азамат еңбек етіп жатқаны анықталды. Соның 70 пайызы білікті жұмыскерлер мен мамандар болып табылады.

«Квотадан бөлек шетелдік жұмыс күшінің құрамын реттейтін қосымша тетік ретінде кадрлардың жергілікті қамтылу талаптарын атауға болады. Сонымен қатар, бөлінген квота толық пайдаланылмай жатқаны анық.

Соңғы уақытта жеке тұлғалардың шетелдік жұмыс күшін тарту деректерінің артып келе жатқаны байқалады», - дейді депутат.

Депутаттың пікірінше, еңбек жалақысындағы теңсіздік мәселесі де жоқ емес. Шетелдік жұмысшы жалақыларының жергілікті мамандардың еңбекақысынан артықтау кетіп жататыны рас.  

Камила Амирова

Барлық жаңалықтар