Семей ШҚО-ның ірі көліктік-логистикалық орталығына айналады - әкімдік
14 Қазан, 2014 16:01
Логистика, туризм және жеңіл өнеркәсіп - осы үш бағыт бойынша жақын арада Семей қаласы дами бастайды, деп хабарлады қалалық әкімдік.
«Семей қаласында үш бірдей көліктік-логистикалық орталықты құру жақын арада өңірдегі бизнес, қызмет салаларының дамуына, экономиканың көтерілуіне оң әсер етіп, оның инвестициялық тартымдылығын арттырады. Олардың алғашқысы биылдың өзінде өз жұмысын бастайды», - деп қалалық кәсіпкерлік бөлімінің бастығы Марат Нүгеров ағынан жарылды.
Атап өткендей, көліктік-логистикалық орталыққа (КЛО) қалаға келетін барлық тауарлар, тіпті Ресей мен Қытайға жөнелтілетін тауарларда сыйып кетеді. Жалпы, КЛО ашу жергілікті мыңнан астам тұрғынды тұрақты жұмыспен, жоғары жалақымен қамтамасыз ететін болады.
