Қазақстанның бірлігі – көпұлтты халықтың бірлігі – Күлшімбаев

14 Қазан, 2014 11:21

Қазақстанның тәуелсіздік алуымен Мемлекет Басшысы Н.Назарбаев «Әралуандықтағы бірлік» нақты қағидатын айтқан болатын. Ол өз кезегінде халықтардың ерекшелігін, барлық қызығушылықтардың үйлесуін, ұлттың қатыстылығына қарамастан азаматтардың құқықтары мен міндеттерін сақтауға мүмкіндік береді, деді астаналық ТЖ департаменті бастығының орынбасары, полковник И.Күлшімбаев Strategy2050.kz ақпараттық агенттігіне берген сұхбатында.

«Қазақстанның бірлігі –көпұлтты халықтың бірлігі. Біз бірте-бірте жарқын болашаққа жетеміз деп санаймын. Менің арманым, ойым – Қазақстанның мәңгілік болуы», - деп Мемлекет Басшысы Н.Ә.Назарбаев «Ұлытау төріндегі толғаныс» сұхбатында атап өткен болатын», - деді Күлшімбаев.

Оның айтуынша, Астана қаласы ТЖД аталмыш қағидатқа әрдайым сүйенеді. Құрылымда ішкі мәдениеттің жоғарылығы, әр-түрлі ұлт өкілдерінің арасындағы сыйластық пен татулық бар. Астана қаласы ТЖД-де 11 ұлт өкілі қызмет етуде. Олардың ішінде қазақтар, орыс халқының өкілдері мен украиндықтар еңбек етуде. Бұдан бөлек, Департаментте неміс, өзбек, дүнген, еврей, корей және басқа да ұлт өкілдері қызмет етеді. Олардың барлығын ортақ мақсат пен татулық біріктіреді.

«Мемлекетіміздегі мәдениеттің сан алуандығы мен бірлік баға жетпес құндылық болып табылады, оның арқасында баршамыз біздің басты құндылығымыз – бейбітшілік, татулық пен тұрақтылықты сақтаудамыз. Бұның барлығы ортақ мақсатына жетіп, мемлекеттің дамуына үлесін тигізуде», - деді И.Күлшімбаев.

Барлық жаңалықтар