• Басты
  • Ақмола облысындағы кәсіпорындарда 150-ден астам жаңа жұмыс орны ашылды

Ақмола облысындағы кәсіпорындарда 150-ден астам жаңа жұмыс орны ашылды

13 Қазан, 2014 19:06
Жаңа өндірістік кәсіпорындардың ашылуы Бұланды ауданының 150 тұрғынын тұрақты жұмыспен қамтыды. 2013 жылы жылына 10 000 тонна өндірістік қуаттылыққа ие жылу сақтағыш минералды бұйым өндірісі мен базальтті минералды плиталар өндірісі зауыты өз жұмысын бастаған болатын, деп хабарлады «Ақмола Медиа Орталығы».

Хабарламада айтылғандай, қос жобаның жалпы құны 4 млрд 497 млн теңгеден асады. 242,8 млн теңгеге диірмен кешенін сатып алу кәсіпорында тұрақты 47 жұмыс орнын ашты. Аталмыш қаражаттың 45,8 млн теңгесі «Фирма Нанар» ЖШС өз қаражаты.

«Макин құрылыс материалдары зауыты» ЖШС де өңірдің халқын жұмыспен қамтуға өз үлесін қосуда. Серіктестік 20 адамның екі қолға бір күрек табуына себепші болды. Олардың орташа айлық жалақысы 60 мың теңге шамасында. Кәсіпорын жұмысының қанатын кеңге жаюына сеп болған «Жұмыс істеп тұрған кәсіпорынды жаңғырту» инвестициялық жобасы болды. Жобаның жалпы құны 37 млн теңге», - делінген хабарламада.

 

Барлық жаңалықтар