• Басты
  • CӨС бойынша жалпы республикалық акцияға Семей қаласының жастары қолдау көрсетті

CӨС бойынша жалпы республикалық акцияға Семей қаласының жастары қолдау көрсетті

13 Қазан, 2014 16:09
Семей қаласының жүздеген студенттері мен оқушылары «Салауатты тамақтану - заманауи өмір стилі» жалпы республикалық акцияға қатысты. Игі шара бір уақытта барлық облыс орталықтары мен Астана, Алматы және Семей қалаларында өтті.

Семей медицина университетінің волонтерлары мен денсаулық сақтау саласындағы сарапшылар жергілікті тұрғындар үшін арнайы концерт ұйымдастырды, сонымен қатар, ойындар мен «дәруменді» жүлделері бар байқаулар өткізілді, халықтың қан қысымы өлшеніп, сала мамандары кеңестерін берді және дұрыс тамақтану туралы парақшалар таратылды, деп хабарлады ШҚО-ның Ақпараттық орталығы.

«Акция дұрыс тамақтануды насихаттауға және ол туралы ақпарат таратуға бағытталған. Біз халыққа дені сау және жұмысқа қабілетті болуы үшін немен тамақтану керек екенін тағы бір рет еске салғымыз келді», - деп Семей қаласындағы Ұлттық салауатты тамақтану орталығы бөлімінің жетекшісі Айман Керімқұлова ағынан жарылды.

Маман атап өткендей, сарапшылардың бағалауынша денсаулық тек 15% денсаулық сақтау саласына, тағы 15% - тұқым қуалаушылыққа, қалған 70% өмір сүру дағдысы мен тамақтануға байланысты. Сондықтан да ұйымдастырушылар ойындар, викториналар мен таныстырулар арқылы салауатты тамақтанудың маңызы туралы жан-жақты мәлімет беруге тырысты.

Атап өткендей, игі шараға мұрындық болғандар оның қатысушыларының  бүгіннен бастап дұрыс тамақтануға көшуін басты мақсат етіп алған.

 

Барлық жаңалықтар