Қарағанды облысы жергілікті қамту үлесі бойынша ҚР-да көш бастап тұр – әкімдік

 «Қазақстандық қамту үлесін ұлғайту ел экономикасының қарқынды дамуына жол ашады. Ол елдің экономикалық тұрақтылығы мен ел тәуелсіздігінің тірегі. Әлемдік дағдарыста тұрақтылықтың бірден бір кепілі»,-деді өз сөзінде аймақ басшысы.

Аталған мәселелер бойынша өнеркәсіп және индустриялды-инновациялық даму басқармасының басшысы Төлеген Игембаев баяндама жасады.

Оның айтуынша, «АрселорМиттал Теміртау» АҚ, «Қазақмыс Корпорация» ЖШС және аймақтық басқа да кәсіпкерлер тарапынан құны 184,3 млрд теңгені құрайтын сатып алулар жүзеге асқан. Тауарлар мен қызмет көрсетудегі қазақстандық қамту үлесі 121,9 млрд теңгені құрап отыр, ол жалпы үлестің 66,1%. 

Бұл өткен жылғы көрсеткіштен 4,6 пайызға, 2011 жылғы көрсеткіштен 45,1% -ға артық.

Бұл көрсеткіш бойынша соңғы 4 жылда аймағымыз республика бойынша бірінші орында келе жатыр.

Сондай-ақ жергеілікті өндірушілерді Кедендік одақтың жаңа талаптарына бейімдеу мақсатында техникалық реттеу мәселелері бойынша өңірлік штаб құрылып отыр.

Жиын соңында облыс әкімі Нұрмұхамбет Әбдібеков аталған мәселелер бойынша салалық басқарма басшыларына, қала және аудан әкімдеріне нақты тапсырма берді.