Қ. Тоқаев РФ Федерация Кеңесінің Төрағасы В.Матвиенкомен келіссөздер өткізеді
13 Қазан, 2014 11:31
Қазақстан Республикасы Парламенті Сенатының Төрағасы Қасым-Жомарт Тоқаев үстіміздегі жылғы 13-15 қазанда жұмыс бабындағы сапармен Мәскеуде болады, деп хабарлады Сенаттың баспасөз қызметі.
Сапар аясында Ресей Федерациясы Федералдық Жиналысы Федерация Кеңесінің Төрағасы Валентина Матвиенкомен келіссөз болады. Сенат Төрағасы, Әлемдік және дәстүрлі діндер лидерлерінң Съезі Хатшылығының Басшысы Мәскеу және күллі Ресейдің Патриархы Кириллге Президент Н.Назарбаевтан 2015 жылғы 10-11 маусымда Астанада өтетін V Съезге шақыруын жеткізеді.
Сенаттың баспасөз қызметі хабарлағандай, Қ.Тоқаевтың одан басқа Ресей СІМ Мәскеу мемлекеттік халықаралық қатынастар институтының (университетінің) 70 жылдығына орай Кремль сарайында өтетін салтанатты отырысқа қатысуы жоспарланған.
