Білім және ғылым министрлігі оқулықпен қамтамасыз ету бойынша «қатаң тәртіп» орнатуға мүдделі

«Білім беру ұйымдарын министрлік тарапынан оқулықпен қамтамасыз ету үрдісін  біріздендіру мақсатында оқулық және оқу-әдістемелік кешендермен қамтамасыз етудің барлық процедураларына «қатаң тәртіп» орнатуды ұсынамыз. Комиссия жыл соңына дейін аталмыш тізімді бекіту керек», - дейді А.Сәрінжіпов.

Биыл, министрдің айтуынша, комиссия қарашада іске кірісуі керек. Сонымен қатар,  қаңтарға дейін мектептер келесі оқу жылына қажетті оқулықтар туралы мәліметтерді өткізуі керек. «Осы тұрғыда формулада аудандық және қалалық демографиялық көрсеткіштер де ескерілуі керек. Жоспардағы оқушы саны мен оқушылардың қазіргі саны туралы кеңінен ақпарат берілуі керек», - дейді министр.

Сонымен қатар, ведомство пайдаланылған оқулықты өткізудің мерзімі мен оны пайдалануға дейінгі және пайдаланғаннан кейінгі жағдайы туралы тәртіп белгілеудің процесін қалыптастыруға мүдделі.

«Осы орайда ҚР БҒМ 10 қаңтарға дейін ұсынылатын оқулықтар мен оқыту әдістемелік кешендердің тізімін бекітеді. Ал 1 ақпанға дейін білім беру басқармалары баспалармен келісім құрып, наурыздың басында мектептерге оқулық жеткізудің байқаулық рәсімі  басталады. Сәуірде заңнамаға сай, мемлекеттік сатып алу мен жеткізу рәсімі аяқталуы тиіс. Мамырда оқулықтар әкелініп, тамызда оқулық мектепте жатуы керек», - деді бас ұстаз.

Сәрінжіповтың айтуынша, осы кезеңдердің әрқайсысында бақылау жүйесі жолға қойылады. Білім және ғылым вице-министрлігінің жанынан тұрақты жұмыс істейтін комиссия құрылады.

Камила Амирова