• Басты
  • Алматыда Қ.Сәтпаев атындағы ҚазҰТУ-дің 80 жылдығына арналған веложарыс өтті

Алматыда Қ.Сәтпаев атындағы ҚазҰТУ-дің 80 жылдығына арналған веложарыс өтті

13 Қазан, 2014 15:03
Алматыда Қ.Сәтпаев атындағы Қазақ ұлттық техникалық университетінің 80 жылдығына арналған веложарыс өтті. Оған қала тұрғындары, университет оқытушылары мен студенттері, велоқоғамдастығы қатысты, деп хабарлады қала әкімдігі.

Алматы әкімі Ахметжан Есімов мерекемен құттықтады. Мегаполис басшысы Қ.Сәтпаев атындағы ҚазҰТУ техникалық кадрларды дайындауда көшбасшы екендігін айтты.

«Университет даңтқы тарихқа ие - 80 жыл ішінде мыңдаған мамандар даярланды. ҚазҰТУ түлектері газ, мұнай, кен және басқа да маңызды салаларда ойдағыдай еңбек етуде. Жоғары оқу орнында тәжірибелі, білікті мамандар жұмыс істейді», - деді Ахметжан Есімов.

Қала әкімі Нұрсұлтан Назарбаевтың тікелей қолдауы арқасында қаланың 2017 жылғы қысқы Универсиадаға қызу дайындалып жатқандығын және 2022 жылғы қысқы Олимпиадаға үміткер екендігін жеткізді.

Барлық жаңалықтар