• Басты
  • Қазақстанда ҚХА-ның 20-жылдығына орай бірқатар мәдени және қоғамдық шаралар өтеді (Видео)

Қазақстанда ҚХА-ның 20-жылдығына орай бірқатар мәдени және қоғамдық шаралар өтеді (Видео)

13 Қазан, 2014 09:32
2015 жылы Қазақстан халқы Ассамблеясы құрылғанына 20 жыл толады, осыған орай елімізде түрлі мәдени және қоғамдық шаралар өтеді. Бұл туралы «Strategy2050.kz» АА берген сұхбатында ҚР Президенті жанындағы Мемлекеттік басқару академиясының Этносаралық және конфессияаралық қарым-қатынасты зерттеу орталығының жетекшісі, ҚХА ҒСК төрайымы, әлеуметтік ғылымдар доктары Айгүл Сәдуақасова мәлім етті.

«Келер жылы ғылыми-сарапшылық негізде бірқатар шараларды өткізу жоспарланған, өз кезегінде Мемлекеттік басқару академиясы этносаралық тақырыпта Қазақстанның жас ғалымдарының арасында ғылыми байқау өткізуді көздеп отыр. Дүбірлі дода жыл басында қаңтарда  басталса, жыл соңына қарай қорытындылайтын боламыз. Сонымен қатар, ғалымдардың этносаралық бірлікке, қоғамдық келісімге және т.б саяси мәселелерге арналған форумын өткізбекшіміз.  Демек, шаралардың барлығы бірлікке және қоғамдық барлық секторына арналатын болады», - деп түсіндірді А. Сәдуақасова.

Сонымен қатар, Этносаралық және конфессияаралық қарым-қатынасты зерттеу орталығының жетекшісінің айтуынша, ҚР Президенті жанындағы Мемлекеттік басқару академиясы республикалық және аймақтық деңгейде өткізілетін бірқатар шаралардың жоспарын түзді. Олардың басты мақсаты - халықтың бірлігі мен ынтымағын нығайту.

Бұдан басқа, 2015 жылы қазақстандықтарды ауқымды шаралар күтіп отыр. Олар сарапшылар мен журналистердің халықаралық форумы, «Бейбітшілік және келісім жол картасы» бойынша шаралар, ақпараттық қызмет.

Индира Кауметова

Барлық жаңалықтар