Астанада қолөнер орталығы ашылды
10 Қазан, 2014 18:51
Бүгін Астанада тұңғыш қолөнер орталығы ашылды, оны «Женщины Степи – Дала Арулары» Қоғамдық Қоры ұйымдастырды.
Орталыққа Қазақстан, Орта Азия, Ресей елдерінің 50 шебері шақырылды. Асқан қызығушылықпен көрме қатысушылары масстер-класстарға, қолөнер шеберлігінің құпиялары мен туындылардың кең ассортиментімен танысты. Сондай-ақ, этно- үлгідегі жібек пен киізден жасалған бұйымдар да паш етілді.
Көрмеге қатысушылар тандыр нан, қымыз, бауырсақтан ауыз тиді. Көрме 12 қазанға дейін жалғасады.
Айта кетейік, Қоғамдық Қор 2013 жылы Қазақстандағы дәстүрлі өнерді дамыту мақсатында құрылған болатын.
