2014 жылы ЖҚЖК бойынша Маңғыстау облысында 1951 адам жұмыспен қамтылды – Әбдіқалықова
10 Қазан, 2014 17:31
2014 жылы «Жұмыспен қамтудың жол картасы-2020» бағдарламасы бойынша Маңғыстау облысында 1951 адам жұмысқа орналасты, деп мәлімдеді бүгін Премьер-Министрдің орынбасары Гүлшара Әбдіқалықова Маңғыстау облысына жасаған сапарында.
«Жыл басынан бері бағдарлама аясында 1951 адам екі қолға бір күрек тапты. Соның 1141-і тұрақты жұмысқа орналасты. Жыл соңына дейін ауылдық жерлерде тағы 517 жаңа жұмыс орнын ашу көзделген. 101 азаматқа кәсіпкерлік негіздері үйретіліп, соның 69-ы шағын несие алып, өздерінің кәсіптерін ашып алды», - дейді ол.
Оның айтуынша, Маңғыстау облысы еліміздің өзге өңірлері мен шекаралас елдерден келетін халық ағыны жағынан республикадағы көшбасшы өңір екенін ескеру керек. Осы факторды есепке ала отырып көші-қон саясатын жетілдіріп, жұмыс берушілермен, кәсіпкерліктермен арадағы байланысты жандандырып, еңбек ресурстары жетіспейтін өзге облыс әкімдіктерімен белсенді жұмыс істеу керек.
