• Главная
  • Қызылорда облысында жыл басынан бері 700-ге жуық мүгедек жұмысқа орналасты (ФОТО)
10 октября, 2014 18:33

Қызылорда облысында жыл басынан бері 700-ге жуық мүгедек жұмысқа орналасты (ФОТО)

Қызылорда облысында жыл басынан бері 700-ге жуық мүгедек жұмысқа орналасты, деп хабарлады облыс әкімдігі.
Қызылорда облысында  жыл басынан бері 700-ге жуық мүгедек жұмысқа орналасты (ФОТО)

Облыста 26 мыңнан астам мүгедек жан бар. Мүгедектігі бар адамдардың өмір сүру сапасын жақсарту мақсатында қабылданған «Жол картасы» бойынша екі жылда 6,5 миллиард теңге қаржы бөлінді. Жалпы, жыл басынан мүгедектер саны 800 адамға кеміді.

«Жұмыспен қамту – 2020» бағдарламасы шеңберінде 45 мүгедек 90 миллион теңгеден астам қаржы алып, өз кәсіптерін бастады.

Қазір облыстың барлық ауданында «әлеуметтік такси» қызмет етеді. Сондай-ақ, облыс орталығына жаңадан әкелінген 20 қоғамдық автобуста мүгедектердің мініп-түсуіне жағдай жасалған.

Алдағы уақытта осындай 100 автобус алынады. Өткен жылы мүгедектерге арналған 7 аула клубы ашылса, биыл ғимараттардың пандусын талапқа сай орналастыру жұмыстары басталды.

Бас қосуда аймақ басшысы сала мамандарына мүгедектердің жұмыссыздық мәселесін шешудегі жұмысты күшейтуді және ғимараттардың пантустарын талапқа сәйкестендіруді тапсырды. Сондай-ақ, өңірдегі компаниялардың әлеуметтік мәселелер жөніндегі орынбасары болуы қажеттігін айтты.