ШҚО-ның Көкпекті ауданында жаңа балабақша мен аурухана ашылды

«Өрнек» балабақшасы 40 балаға есігін айқара  ашты, ол ауыл балаларын мектепке дейінгі біліммен қамтамасыз етуге мүмкіндік береді. Мекеменің құрылысы мен қондырғы сатып алу үшін 10 млн теңге бөлінді.

«Мемлекет біздің балаларымыздың денсаулықтары мықты әрі білімді болып өсуіне барлық жағдайды жасауда. Мекеме тек балаларды тәрбиелеп қана қоймай, 20 адамға жаңа жұмыс орнын ұсынып отыр. Біз аудан мен ауылдың дамуы одан әрі жалғасады деген үміттеміз», - деді облыс әкімі Бердібек Сапарбаев.

Сондай-ақ, аймақ басшысы ауыл жергілікті тірек пункттерінің бағдарламасына енгенін айтты. Ол белсенді аймақтардың біріне айналу үшін тұрғындар ауылды абаттандыру жағынан бірқатар шаралар жасауы керек: өз баспаналарын қалыпқа келтіру – шатырлар, қасбет, шарбақтарды, дүкендер мен мекемелер, ұйымдардың сыртын жаңғырту.

Облыс әкімі тұрғындарды ауруханамен құттықтай отырып, ауылда  бірден екі нысанның ашылуын жақсылыққа жорыды. «Енді бұл ауылда мектепке жөндеу жүргізу қажет. Ол біраз уақыттан кейін жүзеге асады. Егер барлық құжаттар дайын болса, жаңа жылда мекеменің күрделі жөндеуіне 93 млн теңге бөлінеді», - деді Б. Сапарбаев.