Н.Назарбаев пен А.Атамбаев екіжақты ынтымақтастық мәселелерін талқылады
10 Қазан, 2014 14:48
Мемлекет басшысы Нұрсұлтан Назарбаев Минск қаласына барған жұмыс сапары барысында Қырғызстан Республикасының Президенті Алмазбек Атамбаевпен кездесті, деп хабарлады Ақорданың баспасөз қызметі.
Кездесу барысында екіжақты ынтымақтастықтың сауда-экономика, инвестиция және мәдени-гуманитарлық салалардағы негізгі мәселелері, сондай-ақ бұрын қол жеткізілген уағдаластықтардың орындалу барысы талқыланды.
Айта кетейік, Мемлекет басшысы бүгін ТМД елдері басшылары кеңесінің отырысына қатысу үшін Минск қаласына барған болатын.
