Жамбыл облысында ірі қара мал өсіру үшін шетелдік инвестиция тартылады
10 Қазан, 2014 12:41
Жамбыл облысында ірі қара малды өсіру үшін Малайзия мен Венгриядан инвестиция тартылады, деп мәлімдеді бүгін ОКҚ брифингінде өңір басшысы Кәрім Көкірекбаев.
«Алдағы жылдары аграрлық секторға инвестиция тартуға ерекше мән берілмек. Яғни, өңірдегі ірі қара малды көбейту мақсатында Малайзия мен Венгриядан шетелдік инвестиция тартылады. Сонымен қатар, «Батыс Еуропа-Батыс Қытай» көлік дәлізінің бойынан шағын 83 сүт-тауар фермасы салынбақ», - дейді әкім.
Әкімнің айтуынша, Жамбыл облысында 145 сүт қабылдау пунктін ашу жоспарда бар. Биыл «Тараз» ӘКК 27 қабылдау пунктіне арналған 117 млн теңгенің құрылғысын сатып алды.
Индира Қауметова
