«ҚазАгро» еншілес компаниясы шағын несие ұйымдары капиталындағы өз үлестерін сатады

10 Қазан, 2014 13:32

«Ауыл шаруашылығын қаржылай қолдау қоры» АҚ жекешелендірудің екінші толқыны аясында 2014 жылы 8 шағын несие ұйымының жарғылық капиталындағы өз үлестерін сатуды жоспарлады.

«2014 жылғы 8 қазан күнгі жағдай бойынша Қор төрт шағын несие ұйымындағы өз үлесін сатты: «Түркістан-Агро» ШНҰ» ЖШС», «Аю-Тас-Қаржы» ШНҰ» ЖШС», «Алдияр-Несие» ШНҰ» ЖШС, «Қордай» ШНҰ» ЖШС. Басқа шағын несие ұйымдарына ЖШС туралы заңына сәйкес қордың үлесін сату туралы ескертулер жіберілді», - деп хабарлады ҚазАгро.

Қазақстан Республикасының «Жауапкершілігі шектеулі және жауапкершілігі қосымша серіктестіктері туралы» Заңына сәйкес, қатысушылардың біреуі өз үлесін немесе оның бөлшегін сататын болса, оны сатып алуда жауапкершілігі шектеулі серіктестігінің қатысушылары үшінші тұлғалардан гөрі артықшылыққа ие болады.

Еске салайық, жекешелендірудің екінші ағыны шеңберінде жалпы «ҚазАгро» Ұлттық Холдингі бойынша 2014-2016 жылдары 32 кәсіпорынды бәскелестік ортаға беру жоспарлануда, соның ішінде 2016 жылы 12 кәсіпорын. Ауыл шаруашылығын қаржылай қолдау қорының 4 кәсіпорнынан басқа «ҚазАгроӨнім» АҚ-ның «КазГрейнФидерс» ЖШС жүзеге асырылған болатын.

Барлық жаңалықтар