Жамбыл облысында ҮИИД МБ аясында 4500-ден астам жұмыс орны ашылды
10 Қазан, 2014 11:36
Жамбыл облысында үдемелі индустриялды-инновациялық даму мемлекеттік бағдарламасы аясында 4500-ден астам жұмыс орны ашылды.Бұл туралы ОКҚ брифингінде Жамбыл облысының әкімі Кәрім Көкірекбаев мәлімдеді.
«Біз үшін негізгі бағдарлама ҮИИД МБ, оның аясында 597,2 млрд теңге тұратын 41 инвестициялық жоба жүзеге асуда. Бүгінде 114 млрд теңгені құрайтын 29 жоба өнім шығаруға жұмыс істеуде, жамбылдықтар оның жүзеге асуы барысында 4500-ден артық жұмыс орнын алды», - деді әкім.
Сондай-ақ, әкімнің айтуынша, осы жылы 25 млрд теңгенің тағы 7 жобасын жүзеге асыру жоспарланған, оның ішінде бірінші тоқсанда 556 жұмыс орнын ұсынған 2 жаңа жоба іске қосылды.
Индира Қауметова
