Қазақстан 2014 жылы 100 млн доллардың темір жол өнімдерін экспорттайды– Исекешев

«Темір жол машинасын құрастыру саласының стратегиялық мақсаты General Electric, Alstom, Siemens, Talgo, Трансмашхолдинг, General Motors, Bombardier секілді алдыңғы қатарлы әлемдік өндірушілермен бірлесіп жоғары тиімділікке ие өндірісті дамыту болып табылады. Айта кетерлігі, бүгінгі таңдағы әлемдік нарықтағы тұрақсыздық шарттары мен General Electric, Alstom және Talgo компанияларының экономикалық дамуы бәсеңдегенде Қазақстанға салынатын инвестиция мен бірлескен жобалардың санын арттырады», - дейді Ә.Исекешев.

Мысалға, ведомство басшысының айтуынша, Альстпен келіссөздер аяқталды. Соның нәтижесінде компания өз үлесін арттыра түсті. «Бұл жобалардың жоғары тиімділігі мен елдегі инвестициялық бизнес ахуалының  қолайлылығынан хабар береді», - дейді ол.

Жалпы, 2008 жылдан бері темір жол машинасын құрастыру саласының өндіріс көлемі 10 млрд теңгеден 2014 жылы 25 есеге дейін артып, бүгінгі таңда бұл көрсеткіш 250 млрд теңгені құрап отыр. «Біз екінші жыл қатарынан темір жол машинасын құрастыру саласы өнімінің экспорты көлемін 100 млн доллардан артқанын көріп отырмыз», - дейді министр.

Сонымен қатар, 2019 жылға өз елімізде өндіру көрсеткіші бойынша, локомотивтерді 55%-ға, жолаушылар вагонын 32%-ға, электрвоздарды 35%-ға, жүк вагондарын 90%-ға жеткізу жоспарланған.

Камила Амирова