Е.Досаев: Мемлекеттік органдар арасындағы құзіреттерді үйлестіру аяқталды

«6 тамызда Мемлекет басшысының қол қойғанынан бастап Үкіметті қайта ұйымдастыру жұмыстарын тамыз бен қыркүйек айларында қарқынды жүргізіп, 1 қазанға қарай, міне, аяқтап отырмыз. Құзіреттерді шектеу туралы мәселе бойынша, өздеріңізге де мәлім, біз ҚР Үкіметі туралы Конституциялық заңға тиісті өзгерістер енгізіп, сонымен қатар құзіреттерді анықтау бойынша бірқатар заңнамалық актілерге де тиісті өзгертулерді енгіздік. Президент заңға қойып, ол қыркүек айынан бастап өзінің заңды күшіне енді. Мемлекеттік органдар арасындағы құзіретті үйлестіру мәселесінің ішінде Үкімет пен Орталық атқарушы органдар және жергілікті атқарушы органдар арасындағы құзіреттер қазірде бекітіліп бітті», - дейді ол.

Сонымен қатар, ұлттық экономика министрінің айтуынша, Үкіметтің 2442 функциясының 1606-сы министрліктер деңгейінге берілді.

«Яғни, бұйрықтар, нұсқаулық пен тәртіптер орталық атқарушы органдар  жетекшілерінің жауапкершілігі деңгейіне алмастырылып, орталық атқарушы органдар деңгейіндегі 261 функция орталық жергілікті атқарушы органдар құзіретіне, тағы 14-і аудандық деңгейге берілді. Біздің ойымызша, бұл Мемлекет басшысының тапсырмаларына сай атқарылған ірі жұмыс болды», - дейді министр.

Индира Қауметова