Алматы мен ШҚО педагогтары өзара тиімді әріптестік қатынас орнатты
Шығыс Қазақстан облысы мен Алматы педагогтары тәжірибе алмасу үшін Өскемен қаласында бірқатар шаралар ұйымдастырылды.
Мектептерде «Мемлекеттік инновациялық даму стратегиясын» жүзеге асыру аясында білім сапасын арттыру тақырыбында диалогтік алаң өтті. Қатысушылар алматылық педагогтар өткізген ашық сабақтарға қатысып, білім саласының келешегі мен кейбір түйткілді мәселелерді талқылады, деп ШҚО ақпараттық орталығы хабарлады.
Облыстағы білім беруді дамытудағы пилоттық жобалардың рөлі тақырыбында Оқушылар шығармашылық сарайында өткізілген интерактивтік көрме қонақтар назарына ұсынылды. Көрмеге Алматы мен Өскемен қаласының оқушылары құрастырған робототехникалар қойылды.
Білім саласы қызметкерлерінің қатысуымен «Білім сапасы – мектептің инновациялық даму шарттары» деген тақырыпта дөңгелек үстел өтті.
Басқармалар арасында бекітілген меморандум екіжақты тиімді әріптестік бағыттарын айқындап берді.
«Бекітілген құжат аясында біздің аймақ пен Алматы қаласы арасында ұзақ мерзімді және жемісті әріптестік жоспарлануда. Білім басқармасының білім беру қызметін насихаттауда, біріккен инновациялық жобаларды дайындап, жүзеге асыруда күш біріктіретін боламыз. Оқушыларды ҰБТ-ға дайындауды ұйымдастыру жөніндегі тәжірибелерімізбен алмасатын боламыз», – деді ШҚО білім басқармасының басшысы Асқар Нұрғазиев.
Бекітілген меморандум аясында ғылыми әдістемелік семинарлар мен конференцияларда қатысты сала бойынша жинақталған білім мен тәжірибе алмасу, балалар мен жасөспірімдер туризмін дамыту бойынша мектеп топтарымен алмасу қарастырылған.
