Алматы облысында «Ақ бұлақ» бағдарламасының жүзеге асуына 14 млрд-тан астам қаржы бөлінді
9 Қазан, 2014 15:21
Алматы облысында 2014 жылы «Ақ бұлақ» бағдарламасы бойынша 63 нысанды жүзеге асыру үшін 14,1 млрд. теңге бөлінді.
Облыс әкімдігі хабарлағандай, бүгінгі күні оның 58 пайызы игерілген.
Бүгінгі күнге орталықтандырылған су жүйесімен қамтылған елді мекендер 69 процентті құраса, жыл соңына дейін тағы қосымша 24 елді мекен таза ауыз сумен қамтамасыз етіліп, бұл көрсеткіш 72,2 пайызға жететін болады.
Дегенмен бұл салада кемшіліктер де орын алып отыр. 513 елді мекендегі орталықтандырылған су жүйесінің 29-ы ешкімнің балансына алынбаған иесіз күйде тұр.
2011-2013 жылдары сумен қамту жүйелерінің жөндеу жұмыстары мен құрылысына 27,2 млрд. теңге бөлініп, 130 нысанда құрылыс-монтаждау жұмыстары жүргізілген.
