«Менің елім Мәңгілік ел» этнографиялық экспедиция мүшелері Ақтөбеге келді

Қаланың орталық көшелерінде автошеру, сонымен қатар Қазақ-орыс халықаралық университетінде жобаның таныстырылымы өтті. 

«Экспедициямыздың мақсаты Елбасының Қазақстан халқына арналған Жолдауындағы тапсырмалар мен мақсаттарды насихаттау.   Елдің әр аймағынан фото мен бейнематериал жинап жүрміз. Ол еліміз туралы фотокітап пен фильмдерге енеді.  Қазақстанның тыныс-тіршілігін, көпұлтты республиканың негізін көрсеткіміз келеді»,- деді экспедиция жетекшісі Евгений Рибалко.

Экспедиция бағыты Қазақстанның әрбір өңірі арқылы өтеді. Оның қорытындысы бойынша ағымдағы жылдың қараша-желтоқсан айларында Мемлекет басшысының қатысуымен арнайы шара ұйымдастыру жоспарланып отыр. 

Шамамен екі айдың ішінде Қазақстанда құрастырылған бес көлік еліміздің барлық аймағы аумағында жүріп өтеді.