Қазақстанда 462,5 млн теңгенің 113 нысаны жария етілді - Қаржы министрлігі

Министрлікте хабарлағандай, ҚР аумағындағы мүлікті жария ету бойынша жергілікті атқарушы органдардың жанындағы комиссияға жалпы сомасы 26 320,9 млн.теңгені құрайтын мүлікті жария етуге 3 157 өтініш түсті.

Оның ішінде жария етуге 25 002,9 млн. теңге сомасында жылжымайтын мүліктің 3 527 нысаны жария етуге мәлімделді. 1 318 млн.теңге сомасында заңды тұлғаларға қатысу үлестерін жария етуге 15 өтініш түсті. Қазіргі сәтте 462,5 млн. теңге сомасына 113 объекті жария етілді.

Мүлікті жария етуге өтініштердің неғұрлым көп саны Алматы және Алматы облысы бойынша түсті (852 және тиісінше 745).

Азаматтардың белсенділігі бойынша үшінші орынды Астана алады (260 өтініш). Азаматтардың белсенділігі бойынша соңғы орында бұрынғысынша Маңғыстау облысы бойынша түсті – акция басталғаннан бері жария етуге небары 9 өтініш түсті.

ҚР Ұлттық банк есебінің деректері бойынша екінші деңгейдегі банктерде жалпы сомасы 1 698,7 млн.теңге ақшаны жария етуге 10 жинақтау шоты ашылды, олардың ішінде жинақтау шотынан 336,1 млн.теңге алынды, ақшаны жария еткені үшін бюджетке 35,6 млн.теңге алым төленді.

Айта кетейік, Қазақстанда 1 қыркүйек күні мүлік пен ақшаны жария ету юасталды,ол 2015 жылдың 37 желтоқсанына дейін созылады.