БҒМ басшысы Назарбаев стипендиясы иегерлеріне сертификаттар мен төс белгілерін табыстады

9 Қазан, 2014 10:51

Қазақстан Республикасы Білім және ғылым министрі Аслан Сәрінжіпов Қазақстан Республикасының Президенті Н.Ә. Назарбаевтің стипендиясы иегерлер – магистранттарға салтанатты түрде сертификаттар мен төс белгілерін тапсырды.

ҚР Білім және ғылым министрлігінің конкурстық комиссиясы үлгерімі үздік, алдыңғы қатарлы ғылыми журналдарда ғылыми жарияланымдары бар, қоғамдық өмірге белсене араласатын ұлттық жоғары оқу орындарында білім алатын 10 үміткерді іріктеді, деп хабарлады ведомствода.

Айта кетейік, Назарбаев стипендиясы Ұлттық ғылым академиясының толық мүшесінің өмірлік ай сайынғы стипендиясы есебінен қалыптастырылады және әрқайсысы 6 айлық есептік көрсеткіш көлеміндегі он стипендия мөлшерінде белгіленеді.

Назарбаев стипендиясы жоғары оқу орындарының екінші оқу жылынан бастап күндізгі оқу бөлімінің барлық оқу кезеңінде үлгерімі үздік бағаларға ие, ғылыми-зерттеу жұмысымен айналысатын, оқу орнының қоғамдық өміріне белсене араласатын магистранттарына тағайындалады.

Барлық жаңалықтар