Талдықорғанда неке қию сарайы, театр және көрме павильоны ашылады – Баталов
9 Қазан, 2014 10:21
Талдықорған қаласындағы Оңтүстік-Батыс жаңа тұрғын ауданында жастардың неке қияр орны «Салтанат сарайы», театр ғимараты және көрме павильоны салынбақ. Бұл туралы облыс әкімі Амандық Баталов Қазақстан Сәулетшілер одағы мүшелерінің қатысуымен өткен жиында хабарлады.
Аталған ғимараттардың замануи үлгіде, сәулеті келісті болуы үшін жобаларға конкурс жарияланатын болады. Одақ мүшелерін жиынға шақырудағы мақсат – құрылысқа еліміздегі ең танымал сәулетшілерін тарту.
Алдағы уақытта үлкен ойын-сауық кешенін, жүзу бассейнін салу, саябақтар мен шағын скверлер жасауға да сәулет саласының майталман мамандары тартылатын болады.
