Бітімгершілік жаттығулары басшылығы қазақстандық батальонының дайындығын жоғары бағалады – ҚМ

9 Қазан, 2014 10:03

«Қазбат» қазақстандық бітімгершілік батальонының ротасы НАТО елдері және әріптес мемлекеттер қарулы күштерінің бөлімшелерімен бірлесіп БҰҰ стандарттары бойынша бейбітшілікті қолдау жөніндегі операцияларды өткізу рәсімін пысықтауға белсенді түрде қатысуда, деп хабарлады Қорғаныс министрлігі.

«Дала қыраны-2014» халықаралық оқу-жаттығуының белсенді кезеңі барысында қазақстандық әскери қызметшілер штабтық процедураларды, бітімгершілік операцияларды жоспарлауда, елді мекендерді патрульдеуде өз машықтану деңгейлерін көрсетті.

Оқу-жаттығу шеңберінде сондай-ақ бақылау-өткізу пункттеріндегі жұмысқа, гуманитарлық жүктерге ілесіп жүруге, қолдан жасалған жарылғыш заттарды залалсыздандыруға, ағылшын тілінде радиоалмасулар жүргізуге, топографиялық карталарды оқу және ресімдеуге көңіл бөлінуде.

««Дала қыраны-2014» оқу-жаттығуының басшылығы қазақстандық бітігершілердің даярлық деңгейінің жоғарылығын, шетелдік мемлекеттердің әскери қызметшілерімен бірлескен операцияларды жүргізу кезіндегі іс-қимылдарының үйлесімділігін атап өтті», - делінген хабарламада.

Германиядағы АҚШ қарулы күштерін даярлаудың Біріккен орталығында жүргізілген оқу-жаттығудың белсенді кезеңін бақылауға Қазақстан Қорғаныс министрлігінің НАТО штаб-пәтері жанындағы әскери өкілі генерал-майор Бахтияр Сыздықов қатысты.

Барлық жаңалықтар