2013 жылы Қазақстанның Тұрғын үй құрылыс жинақ банкі 400 мыңнан астам келісім-шарт жасасты - Н.Наурызбаева
19 Қыркүйек, 2013 15:16
Үстіміздегі жылдың қаңтар-тамызына Қазақстанның Тұрғын үй құрылыс жинақ банкі тұрғын үй жинақтары туралы 441 мың келісім-шарт жасасты, деп хабарлады банк басшысы Нұрбибі Наурызбаева Астанада өткен «Қазақстанның тұрғын үй құрылыс жинақтары жүйесіне 10 жыл» атты халықаралық конференция барысында.
"1 қыркүйекке жағдай бойынша банк 925 млрд теңге сомаға тұрғын үй құрылыс жинақтары туралы 441 мың келісім-шарт жасасқан", - деді Н.Наурызбаева.
Банктің несие қоржыны 132,4 млрд теңгені құраса, депозиттік база 170 млрд теңгені құрады. ҚТҚЖБ бүкіл қызмет мерзімі бойы 184,7 млрд теңге сомаға қарыз берген.
