2014 жылғы І тоқсанда Қазақстанға тартылған жалпы тікелей шетел инвестициясы 5,8 млрд АҚШ долларын құрады – ИДМ
9 Қазан, 2014 09:32
2014 жылғы І тоқсанда Қазақстанға тартылған жалпы тікелей шетел инвестициясы (ТШИ) 5,8 млрд АҚШ долларын құрады, деп хабарлады инвестиция және даму министрлігінің ресми сайты.
Аталған кезеңдегі негізгі инвесторлар Нидерланды, АҚШ, ҚХР, Швейцария, РФ, Бельгия болды.
2014 жылғы І тоқсанда экономикалық қызмет түрлері бойынша ТШИ тартылуының ең қомақты көлемдері тау-кен өндірісі өнеркәсібіне және карьерлерді пайдалануға – $2,3 млрд. (40,5%), кәсіби, ғылыми және техникалық қызметтерге – $1,5 млрд. (25,7%), көтерме және бөлшек саудаға, автомобильдер мен мотоциклдерді жөндеуге – $ 0,7 млрд. (12,7%), өңдеу өнеркәсібіне – $ 0,6 млрд. (11,2%) бағытталды.
