• Басты
  • Астана қаласы ТЖД қызметкерлері елордалық оқушылармен интерактивті сабақ өткізді
8 Қазан, 2014 18:31

Астана қаласы ТЖД қызметкерлері елордалық оқушылармен интерактивті сабақ өткізді

Бүгін балалар арасында қауіпсіздік мәдениетін арттыру және балалардың салғырттықтары салдарынан орын алатын өрт оқиғаларын болдырмау мақсатында интерактивті сабақ өткізді.
Астана қаласы ТЖД қызметкерлері елордалық оқушылармен интерактивті сабақ өткізді

Шараны Астана қаласының төтенше жағдайлар департаменті мен қалалық Білім басқармасы бірлесе ұйымдастырды.

Мемлекеттік өрт бақылау басқармасының аға инспекторы, өртке қарсы қызмет капитаны Ж.Күселбаев пен Астана қаласы ТЖД баспасөз қызметінің бас маманы А.Қанапина астаналық оқушыларға өрт қауіпсіздігі ережелері жайында және өрт орын алған кездегі қажетті іс-әрекеттер жайында айтып берді, деп хабарлады ТЖД баспасөз қызметі.

Департамент қызметкерлері қазақ және орыс тілдерінде балаларға өрт қауіпсіздігі ережелерін сақтаудың маңыздылығы жайында, өрттердің орын алуының негізгі себептері жайында баяндап, жыл басынан орын алған өрттер жайында статистикалық мәліметтерді келтірді.

Сабақ барысында өрт қауіпсіздігі жайында бейне роликтер көрсетілді. Сонымен қатар, оқушыларға қызықтырған тақырып бойынша сұрақтар қоюға мүмкіндік туды. Әр оқушы қойылған сұрақтарына нақты жауап алды.

Барлық жаңалықтар