Астанада Қазақстан мен Испанияның әскери-техникалық ынтымақтастығы талқыланды
8 Қазан, 2014 16:42
Қорғаныс министрі Серік Ахметов Қазақстан Республикасындағы Испания Корольдігінің Төтенше және өкілетті Елшісі Мануэль Ларротча Парадамен Қазақстан мен Испания арасындағы екіжақты, оның ішінде әскери және әскери-техникалық саладағы қарым-қатынасты одан әрі дамыту мәселелерін талқылады.
С. Ахметов ҚР Қорғаныс министрлігінің қорғаныс өнеркәсібі кешені бағытындағы испандық тараппен ынтымақтастықтың табыстылығын атап өтті, деп хабарлады ведомствода.
Қорғаныс министрі өткен жылы қол қойылған әскери және әскери-техникалық ынтымақтастық туралы Меморандум әскери саладағы өзара
іс-қимылды одан әрі нығайту үшін қажетті нормативті-құқықтық негізді қамтамасыз етеді деп есептейді.
