2015 жылы Атырауда жасөспірімдер мен оқушылар сарайы салынады
8 Қазан, 2014 16:26
Атырау облысының әкімі Бақтықожа Ізмұхамбетов пен «Шеврон» корпорациясы директорлар кеңесінің төрағасы Джон Уотсон Жасөспірімдер мен оқушылар сарайы іргетасының символикалық «алғашқы тасын» қалады.
Жасөспірімдер мен оқушылар сарайы алдағы жылдың соңына қарай пайдалануға беріледі деп жоспарланып отыр. Онда түрлі үйірмелерге арналған ыңғайлы орындар салынбақ. Атап айтар болсақ, олар кәсіби, білім беру, ойын-сауық, спорттық және көптеген өзге де үйірмелер, деп хабарлайды облыс әкімдігі.
Сонымен қатар, Атырауда жыл соңына дейін үлкен теннис пен үстел теннисіне арналған жабық корт құрылысы қолға алынбақ.
