• Басты
  • Достық керуені «Батыс Европа – Батыс Қытай» халықаралық дәлізінің құрылысымен танысты

Достық керуені «Батыс Европа – Батыс Қытай» халықаралық дәлізінің құрылысымен танысты

8 Қазан, 2014 19:24
Қазақстан халқы ассамблеясы облыстық хатшылығының ұйымдастыруымен Қызылорда облысында «Бейбітшілік және келісім жол картасы» аясында «Сыр елі - достық мекені» достық керуені шілде мен тамыз айларында кең ауқымды бағдарламамен облыстың барлық аудандарында болды.

Бүгін Достық керуенінің құрамындағы ақпараттық-насихаттық топ мүшелері өздерінің бағдарламаларымен «Батыс Европа – Батыс Қытай» халықаралық дәлізінің құрылысымен айналысатын «Аккорд окан» мердігерлік мекемесінің жұмысшыларын қуантты. Аталған жұмыс орнының ұжымында әртүрлі ұлттардың өкілдері жұмыс жасайды. Атап айтқанда, қазақтар, түріктер, азербайжандар, орыстар, кәрістер және т.б, деп хабарлады Қызылорда облысының әкімдігі.

Кездесудегі қатысушылардың алдында Қазақстан халқы ассамблеясы облыстық хатшылығының бас инспекторы А. Сағымбай, түрік, өзбек, татар этномәдени орталықтарының және «Славяне» мәдени-қоғамдық орталығының басшылары сөз сөйледі.

 

Барлық жаңалықтар