Мәжіліс «Астана ЭКСПО-2017» ҰК» АҚ үшін салықтық жеңілдіктер қарастыратын заң жобасын мақұлдады

Заң жобасы тарапынан салық саясатына тиімділікті арттыру мақсатында салықтық жеңілдік тексерісі қарастырылады.  

Сонымен қатар, ауыл шаруашылық өнімдерін өндірушілердің жаппай орнатылған салық салу  тәртібін қабылдауға ынталандыру мақсатында салықтық кірісті азайту, арнайы экономикалық аймақтарға салық салу шарттарын жетілдіру мен жақсарту, Қазақстанда халықаралық ЭКСПО-2017 көрмесін өткізуге қатысатын ұйымдарға салық салу, салықтық рақымшылық жасау, міндетті SIM карталы бақылау-кассалық машиналар қабылдау мен ҚҚС төлеушілерге электронды есеп-фактурасын енгізу құқығын кеңейтуге бағытталған нормалар қарастырылған, деп хабарлайды Парламенттің төменгі палатасы.

Бұдан бөлек азық-түлік қауіпсіздігі бойынша Ислам Ұйымы Қаулысы туралы заң жобасын ратификациялау мен ойын бизнесі мәселелеріне қатысты заңнамалық түзетулер жобасы да Мәжілістің қолдауын тапты.

Депутаттар Қорғас өзеніндегі «Достық» су торабы туралы Қазақстан-Қытай үкіметаралық келісімді ратификациялау туралы заң жобасына да «келісім» берді. Бірлескен су торабын пайдалануда қауіпсіздікті қамтамасыз ету мақсатында тұрақты түрде қызмет етіп, паритетті қағида бойынша отандық ұйым қызметкерлерінен тұратын пайдалануға беру бойынша бірлескен қазақстандық-қытай қызметі құрылды.