Қазақстанда жыл сайын ЭКҰ-ға 600 квота рәсімделеді – ДСӘДМ
8 Қазан, 2014 13:28
Қазақстанда жыл сайын ЭКҰ-ға 600 квота рәсімделеді. Бұл туралы ОКҚ брифингінде Денсаулық сақтау және әлеуметтік даму министрлігінің республикалық үйлестірушісі Гүл Омарова мәлімдеді.
«Қазақстанда әлеуметтік осал отбасыларға жыл сайын ЭКҰ үшін 600 квота рәсімделеді. Оның құрамына тегін кепілдендірілген медициналық көмек енеді», - деді ол.
Г.Омарова атап өткендей, жиі кездесетін сепбептердің бірі түсік жасау.
«Бедеулік – бұл кейбір отбасылардың қайғысы. Бедеу отбасылардың көрсеткіші елде 15-16 пайызға тең. Әрбір бесінші бедеуліктің себебі түсік жасау болып есептеледі. Бедеулікті емдеу үшін жоғары мамандандырылған технологиялар қолданылады – бұл қосымша репродуктивті технологиялар, оның құрамына ЭКҰ кіреді», - деді ол.
Индира Қауметова
