Каспийде Қазақстан мен Ресейдің бірлескен әскери-теңіз оқу-жаттығуы аяқталды

8 Қазан, 2014 13:06

Оқу-жаттығуға ҚР Әскери-теңіз күштерінің «Қазақстан», «Орал» және РФ Әскери-теңіз флотының «Дагестан», «Град Свияжск» атты ракета-артиллериялық кемелерінен тұратын тактикалық топ қатысты.

«Кемелердің экипаждары Каспий теңізінің қазақстандық секторындағы аумақтық және экономикалық сулардағы стратегиялық нысандарды қорғау жөніндегі міндеттерді пысықтады. Екі ел әскери-теңіз күштерінің арасындағы өзара іс-қимылды ұйымдастыру жауынгерлік іс-қимылдарғаа барынша жақын жағдайда өтті», - деп хабарлады қорғаныс министрлігі.

ҚР ҚК Әскери-теңіз күштерінің бас қолбасшысы контр-адмирал Жандарбек Жанзақов оқу-жаттығуға қатысушылардың барлығы жақсы теңіз дағдысын, қойылған міндеттерді орындауда сауатты және білікті іс-қимыл көрсетті.

Оқу-жаттығудың қорытындысы бойынша қазақстандық және ресейлік экипаждардың үздік мүшелері аталды. Оқу-жаттығуда Қазақстан Әскери-теңіз күштеріндегі тұңғыш әйел экипаж мүшесі байланысшы Жанар Ибраева да сыннан сүрінбей өтті.

Келесі оқу-жаттығу Ресей Федерациясының аумағында өтеді деп жоспарланған.

Барлық жаңалықтар